衝鋒陷陣
AV Team 樂滺 @ Yr.1 G2G (Apostle 隊長)
我已經參與AV team事奉四年了，今年承擔了更大的責任—成為隊長，當中看見自己許多不足。我一向都力求完美，在事奉中也受完美主義所限，想要成為完美的隊長，牧養每一個隊員，讓他們明白事奉的意義和與神建立關係；亦覺得自己應熟悉所有器材，成為榜樣。這些都逐漸成為我事奉的重擔和壓力，但當我重新回想自己事奉的初衷，發現神當初挑戰我為祂做更多，並不需要我達到完美才為祂工作。我需要做的是單單忠心地擺上，焦點是神而非自己。當我覺得吃力、不能兼顧時，也看到了身邊那些同行的人。在事奉中我絕非孤身一人，原來神早已供應我一切所需！
AV Team Cyrus @ F.5 Space (Apostle 隊員)
我喺AV team Apostle第三年了～呢三年充分感受到Apostle裏面嘅同行。即使喺小組上嘅困難，或係日常生活嘅嘢，大家都願意分享。以前嘅我當AV team當值係玩嘅時間，但而家真係將專注力擺返喺神度。身為團契小組核心成員嘅我，面對小組因為移民潮而人數減少，氣氛愈嚟愈頹，我好氣餒。但當我同Apostle嘅人分享，佢哋就將自己嘅經歷話俾我聽，話我知小組嘅核心其實係神。聽完個下我終於感覺到被明白，同埋有人願意陪我去渡過，好充分咁感受到被愛、同行係點嘅一回事。如果講AV team係一個事奉團隊，對我嚟講，更係另一個團契小組呢！
司事 Daisy Tse @ eXiT FF (B Team 隊長)
B team係一個好warm好有愛嘅小隊，好感受到天父從中帶領住我哋去服侍。我加入咗司事四年，一齊見證住組員DSE、水禮、畢業，一齊喺信仰裡面成長。我哋team好歡樂、好多笑聲，好enjoy同大家一齊服侍嘅時間。大家好願意坦誠分享自己嘅煩惱，同時support大家，為到大家嘅憂慮祈禱。每次嘅分享中，我都覺得好放鬆、好被安慰。有時我會比較多甩漏，佢哋都好主動去幫手，彼此backup大家，互補不足。當我質疑自己能力嗰陣，佢哋全部都會鼓勵同埋相信我。正正因為大家都好相信每一位隊員，所以每次當值都好安心，可以全心投入敬拜同服侍。我喺組員身上學習到，我唔需要成為100分嘅隊長，隊員都好願意包容我不足嘅地方。正正係呢啲不足，先可以睇到隊員嘅同行同支持。
司事 Iris Lai @ Yr.3 Reconnecting (B Team 副隊長)
我在B Team服侍了一年半，很感恩神給予我一個溫暖的隊伍，讓我更學會與人建立關係。這年半裡，我慢慢感受到同行。尤其今年我成了副隊長，剛開始時曾懷疑自己是否適合這崗位，特別在司事大集會中的小隊分享時間，由於當時我還未適應這新角色，但一些較外向的舊隊員已能很主動與新隊員建立關係，更讓我質疑自己能否勝任。
很感恩，後來有一次當值時，我向隊長反映自己不太熟悉間板、排凳，心裡有點壓力，她竟笑著跟我說：「其實我都不太熟，大家一齊學習吧！」讓我感受到在服侍中，隊長和隊員之間都是平等的，不論擔當什麼角色，大家都可坦承說出自己好與不好的地方，在隊裡互補不足，在神裡互相學習。
敬拜隊 Eunice @ eXit (Gatekeepers 隊長)
hello! 我係Gatekeepers嘅隊長Eunice:) 我三年前加入敬拜隊，喺Gatekeepers入面服侍。當初報敬拜隊嘅時候，我其實係有啲遲疑，因為我睇到自己能力嘅不足。入到Gatekeepers嘅初期，我都被呢個諗法同埋擔心困住，令我出隊嘅時候都唔能夠全心全意咁去敬拜神。當我喺隊入面分享自己呢個狀態嘅時候，大家都提醒我要重新記起敬拜嘅目光唔應該擺喺自己嘅身上，神先係敬拜嘅焦點。喺之後嘅出隊，大家都有提醒我應該將神放喺敬拜嘅首位。去到依家，當有啲隊員面對同樣問題嘅時候，我就可以更明白佢嘅難處，讓我能知道如何同佢同行。
敬拜隊 日行 @ F.4 Ahava (Seeker 隊員)
Hello 大家好！我是 Seeker 敬拜隊的日行。在加入敬拜隊的這一年多，我有很多得着。
在加入敬拜隊之前，我只覺得敬拜隊是一個讓我進深音樂技術的地方，使我在音樂層面上做得更好。可是在加入敬拜隊後，我才了解到在這裏服侍並不只是玩音樂這麼簡單。
其中一項我學會的，便是在靈性上持續操練的重要性。還記得在敬拜隊預備班時，Johnny經常問我：「點解人要敬拜嘅？」，然後我每次都未能回答。但在敬拜隊中有很多比我更加成熟的大哥哥大姐姐，也比我更加認識神。透過跟他們一起在敬拜隊中事奉，我可以從中借鏡，看看自己有什麼地方可以更加進步，從而成為一個更加好的人。除此之外，在敬拜隊事奉，我明白到作為一個敬拜帶領者，帶領人們回歸神裡面的重要性。我體會到崇拜的核心不是在於音樂，還是甚麼特別的 Musical Arrangement，而是我們專心、專一敬拜神的心。
展望將來，我盼望在敬拜隊服侍期間能繼續更深地認識神，並且跟神建立一個更加緊密的關係，時刻記著神的同在，並且持續學習更多屬靈的功課，繼續親近神。
