幕後功臣
Angel@大專 Lumos
能夠成為這次特刊小隊的一員實在是機緣巧合，或者應該說是神的安排。只是單純抱著可以幫忙分擔一下大家的工作的心態加入，這期間的經歷卻比想像中更精彩。嘗試了以前從來沒有做過的事情，替特刊的不同部分創作標題，要貼近生活和潮流之外，又要表達到內容，真的比想像中更為困難。幸好沿途有很好的夥伴一起絞盡腦汁思考，雖然亦會擔心想出來的內容不夠好，但是大家很包容和支持我們的想法，亦會提出不同的改善建議，特刊能夠有最終的面貌真的要感謝大家的付出和努力。縱使疫情仍然嚴峻，我們各自在家中為同一件事默默努力的過程仍然為這些艱難的日子帶來一些色彩。希望大家享受閱讀青少特刊，期待未來十二樓再見 : )
Eunis@大專 L.E.D.
今次係第一次參與特刊設計，本來都擔心會勝任唔到呢個角色，但係發現每次開會大家都非常投入，會畀好多idea同意見出嚟，即使喺設計上遇到問題同困難，身邊嘅人都會互相support。設計特刊既呢段時間，令我好感受到大家想為神工作既嗰顆心，雖然大家各自有自己既日常事務同工作要處理，不過大家都好願意抽時間出嚟，令到特刊可以順利完成！
Chris@大專 Follower
一本喺爆疫期間出刊嘅青少特刊，重心只好轉移去線上特刊同短片。呢個看似無奈嘅選擇，卻係可以帶返起剪片嘅我，同埋將要睇片嘅青少，重新檢視過去一年嘅領受。我哋確實同善忘嘅以色列人冇乜分別，參與完青少部大大小小嘅活動之後，隔個禮拜就將領受、感動、立志通通拋諸腦後。好感恩可以喺今次整合影片嘅過程俾我諗返起參與事工時單單想為主作工嗰種嘅初心，亦都願睇完片嘅弟兄姊妹可以延續當初嘅火熱，並且喺呢個令人沮喪嘅時期繼續為主發光發亮。
Dorcas@大專 Follower
咁多年來我都冇喺教會服侍過，覺得自己能力唔鍾意參加大部份嘅崗位，又怕失敗所以一直唔敢試。但係今次可以俾我用自己畫畫呢個興趣服侍，令我更加感覺到自己係教會嘅一部份。希望大家同新朋友都可以搵到自己係神同教會裏面嘅可愛之處！
Samuel@大專 L.E.D.
一開始Esther搵我做特刊時都有少少驚奇，因為自己真係唔識任何design / software / 剪片之類，會有啲擔心。但好彩有好多talented又好有心嘅人陪自己一齊做特刊，又有Billy去lead住我哋，由零開始諗，到慢慢見到件事成形，係個好特別嘅進程。過程中好享受去同人合作，一齊brainstorm到一啲得意而大家都鍾意嘅idea，又好欣賞其他人嘅idea同才能。第一次體驗 有關創作嘅事奉，會係一個特別嘅體驗，感恩有得參與係其中，同埋感恩有咁多一齊做特刊嘅同路人，仲有guide住我哋嘅傳道人。希望大家係屋企一路欣賞本特刊時，記得你哋並唔係孤單，仲有好多人係信仰路上陪緊你行㗎。
PTY@大專 Lumos
一直很好奇青少部的大家在家時的信仰生活是怎樣，很高興這次有機會可以訪問同工和不同組別的青少。不能實體相聚相信是大家都不樂見的，但是「困」在家的日子也許是我們這時代專屬的吧。希望這本特刊在若干年後，能勾起你這段時日信仰生活的悲與喜 ; )
Wing@大專 Heus
很高興有這個機會可以參與事奉，亦藉此可以接觸到自己小組以外的人，得到與其他人共事的機會。
記得一開始收到邀請時我對上一本特刊完全沒有印象，真正參與製作過程才發現一本青少特刊面世背後充滿住不少人的心血。希望這一本特刊可以發揮其最大的作用，讓人更認識教會。
