軍營介紹 - 高中
生命建立，埋身肉搏
Daisy & Doris @ F.5 ASAP
Daisy：作為大專導師，我諗我需要操練耐心。帶小組嘅時候，我發現 關係需要長時間去建立， 等待對方願意信任自己， 開放生命。 當我 太著緊自己係咪幫到佢哋，就會容易忘記天父有佢最好嘅安排同工作。 我再次睇清， 牧養唔只係為咗讓導師幫佢哋解決困難， 而係喺青少 迷茫嘅時候，帶領佢哋再次睇見神嘅恩典。無論係自己定係組員，都會 因為咁而慢慢建立對神嘅信心，同時更能體會天父嘅愛同帶領。
啱啱做導師嘅時候， 我唔係好識點陪伴青少， 驚自己做得唔夠好。 但喺同Tinyan傾計嘅時候， 我發現我哋嘅性格相近， 生命嘅掙扎位都 好似。 當大家都願意坦承分享自己生命嘅軟弱， 一齊為彼此守望， 我體會到同行嘅可貴，關係都變得更深。
Doris：我好感恩有Daisy呢位導師，我自己喺生命入面 有好多唔同嘅掙扎， 但因為有Daisy嘅同行同陪伴， 令我更認識自己。 知道Daisy係第一次做導師， 但我 見到佢喺學習做導師嘅路上好盡力陪伴同回應我哋 每一個， 更會切身處地咁理解我哋嘅處境， 讓我哋 更了解神喺自己生命中嘅安排，知道神想我哋點行。 好想多謝Daisy當初鼓勵我成為組長，令我可以一步步 投入教會更多，先至令今日嘅我好唔一樣。
知已知彼，並肩作戰
Noel & Fergus @ F.6 Rejuvenate
Noel：同Fergus喺兒童主日學2/3年班已經 認識，感恩有呢位朋友喺我生命中出現，特別係 小組好多組員移民，但大家都能夠彼此支持。 如果要俾一啲挑戰同埋操練佢，我覺得Fergus 係一個比較急嘅人，鼓勵佢可以學習放慢一啲， 細味生命中嘅美好。我成日都同佢分享喺做司事 個陣，佢做事好快，但咁樣會忽略咗同人合作 建立關係嘅機會。如果喺屬靈上嘅操練，小組 嘅讀經計劃就更加需要佢keep住做啦！
Fergus ：感恩有Noel呢個朋友喺我生命中， 讓自己成長咗好多。咖啡成為我哋嘅共同興趣 同埋渠道去分享生命。 我覺得Noel喺生命中 要學習感受多一啲愛與被愛，相信自己係被神 所愛呢個事實就能夠愛其他人。同時我都覺得 佢可以學習面對唔同生命上嘅壓力，明白唔係 為咗迎合人嘅要求而活。
整裝上陣
芒果 @ F.5 Space
中三升中四嘅時候導師邀請我做組長，但我唔係自小 喺恩福成長，只係中一時有一位朋友邀請我翻嚟，只 希望可以一齊打機。朋友移民後，我先真正開始投入 教會嘅生活。所以嗰陣導師邀請我做組長時，我覺得 好驚訝。但我都想為小組付出，所以就答應咗。
喺呢一年半嘅組長生涯入面，我學到好多唔同嘅技巧。 但同時我亦發覺自己仍然有好大嘅進步空間， 而且 不同方面都需要更多操練。
我哋3位組長都有各自嘅分工， 雖然我主要負責維繫 組員關係同埋搞吓氣氛， 但喺帶組查經上， 我發現 自己嘅表達能力上仲有好多不足。雖然每次另外兩個 組長都會幫手一齊解釋， 但我仍覺得我需要表達得 更加清楚，先可以明確咁guide到組員。
而喺信仰方面，我覺得自己都係一個小信嘅人，潛意 識覺得可以靠自己處事，因而好容易忽略神，希望我 可以學習更依靠神，建立對佢嘅信心。有時候都只係 將佢嘅知識放喺腦，冇真係放落心入面並且實踐出嚟。 不過即使我係咁， 但神仍然成日透過唔同嘅小事去 提醒我，讓我可以繼續行番喺正路冇偏離佢。
整裝上陣
Nathan @ F.4 Ahava
雖然我從小就跟父母一齊返教會，但係我唔了解呢位上帝，經歷過 呢幾年嘅混亂情況，令我同神嘅距離更遠。但最近我第一次參加咗 敬拜讚美會，感覺同佢親近咗，天父依家更似係我嘅爸爸。其實想要 更深入了解佢， 就要好似同朋友咁， 同佢有更多相處時間， 透過 平時傾偈分享自己日常嘅嘢去增進感情。我哋可以透過每日嘅靈修， 同埋祈禱去明白佢嘅旨意多啲，我都要學習持之以恆咁去做。
關於祈禱呢樣嘢，我自己有時都係為自己嘅好處去祈求。雖然上帝 係俾我哋有呢啲成就，但我相信呢個信仰唔只係為咗成就，我哋亦 都要努力，唔係淨係等神工作。我要改變自己祈禱嘅方式，每日懷著 感恩嘅心去感謝上帝賜俾我呢個咁豐盛嘅生命。
至於喺小組入面， 我見到組員都容易俾日常生活嘅忙碌纏繞住， 放低咗上帝， 例如冇返教會或者祈禱。 我身為組長係應該要以身 作則，自己做好呢啲嘢嘅同時鼓勵組員一齊加入，例如邀請組員多啲 靈修，或者只係單單鼓勵佢哋返教會，增加佢哋對信仰嘅歸屬感。
整裝上陣
Sarah @ F.6 IDK
在生命中，我想學習把信仰生活化，在為人處事各方面更能實踐神的話。這包括 與人相處時，即使對方是與我很親密，或者是很熟悉的小組，我也應該要避免 令人難受。另外，經過疫情後，我與神關係疏離了，但在恢復實體教會生活後， 我能再次融入， 投入崇拜和團契， 同時希望在生活中能操練更多向神傾訴的 習慣， 告訴神我需要幫助的事情。 尤其當我在準備公開考試時， 面對了很多 困難，如感到灰心、無力、疲累，我可以透過禱告從神得到力量，依靠祂來面對 生命裡的大小事。至於在小組中，我除了學習重視他們的生命，給予更多關心外， 我希望自己也可以在小組裡勇敢地打開自己的心，分享自己的內心世界。