軍營介紹 - 初中
生命建立，埋身肉搏
楠叔 & 悅之 @ F.3 Emoji
楠叔：其實悅之同我好似，我哋都係一啲責任心好重嘅人。睇見 佢，我都睇見初中嘅自己。回顧返自己嘅生命，我見到神一直嘅 工作，佢改變我嘅生命；同時都讓悅之學習表達多咗好多，讓佢 尋找屬於自己嘅信仰，了解神係一個點嘅存在。
我都好想挑戰佢放膽啲同人建立關係、分享自己， 俾多啲信心 自己。好開心可以陪到佢哋一齊經歷唔同難關同大大小小嘅事， 雖然做導師係辛苦，要付出唔少嘅時間同心力，但都係值得嘅， 我都好愛呢班弟兄姊妹。最後，好想同悅之講：「成組都陪緊你， 加油！唔係自己一個行，神已經賜咗呢班人陪你行。」
悅之 ：楠叔係一個好肯同我哋玩、好close嘅導師， 佢對我哋組好上心，好有承擔。喺佢身上我學到要懂得 交上自己嘅掙扎俾神，都明白咗要學習休息。好想鼓勵 楠叔要更有自信， 唔好成日自卑同自責， 但好欣賞 佢依家會開始分享自己煩緊嘅嘢。 最後， 好想多謝 楠叔喺我發晦氣同消極嘅時候一直都喺度撐我！
知已知彼，並肩作戰
Angel & Kate @ F.3 明天請早
Angel：第一次見到Kate嘅時候，我覺得佢好文靜。後來小組分享嘅時候， 發現原來佢喺小組可以成為一個帶領嘅角色。相比之下，佢同神建立嘅關係 比較深，佢嘅分享可以引導到其他組員同神建立關係。陪咗佢兩年幾，佢大 個咗。 導師帶住十幾人嘅小組， 有時候都好混亂， 但係佢會幫手照顧其他 女組員。希望佢嘅自信可以發揮喺小組，升中四後可以承擔小組更多。我好 鍾意擁抱佢哋，知道平時喺學校嘅老師好少會咁同佢哋相處。我覺得做導師 最重要係真係要好愛呢班年輕人，當你好愛佢哋，你自然會願意同佢哋建立 關係。喺佢哋身上，我好感受佢哋好單純、真實，俾大人好好嘅提醒。我都 好感謝佢哋教我好多科技知識，點打機、用IG。本來覺得呢啲嘢好困難，但係 我學識之後覺得好興奮。除非我身體有事，如果唔係我唔會唔帶佢哋，我承諾 過會帶佢哋六年直到中六，你哋第時記得睇返我講過呢啲嘢呀！
Kate：Angel由一開始到依家都係好 nice，冇咩負面情緒、好樂觀。佢會 好主動同新朋友傾計，我希望我都可 以學佢咁主動關心新朋友，多啲搵唔同 話題同組員傾計。記得Form 2暑假， camp有個活動喺間房睇耶穌釘十字架 嘅短片。當啲釘釘落去嘅時候，我唔 敢睇， 只係聽聲都驚。 Angel見到 我驚，主動攬住我。我感受到可以有個 依靠，覺得冇咁驚。
