10幾年前嘅青少部…
老老竇竇，真係可以用「開發中」嚟形容
如無意外，
應該係 (除非唔係) 青少部第一個搞嘅音樂會~
真係由一班青少主力策劃到慶功!
除咗唱詩、夾Band、中樂，仲有打功夫添!
# 以上節目適合所有年齡人士收看，敬請留意。
幾呀百萬朵金花~
一睇就知佢地同TVB嗰幾朵差唔多啦!
我意思佢地係精英呀!
佢地大部份就係當年嘅青少領袖喇~
# 我係唔會話你知有個係導師嚟嘅！
拉闊 = Live,
除左等如現場之外，仲代表左生命!
蝌蚪 = 一個小小嘅生命慢慢成長，
而蝌蚪亦終有一日會變成青蛙王子!
佈道會嘅Poster、T-shirt、邀請卡等，都係由一班青少core負責，佢地都有份同教會行政部開會架~
每年暑假都係青少部火熱期! 前兩日先搞完佈道會，
過兩日就去camp…
又係嗰班傳道同工，同埋嗰班core搞…
你睇幾火熱! 焚牙!!!!
唔夠一星期，
又去澳門短宣……
# 真 · 焚燒生命
唔夠廿日又入camp~
入到都唔記得咗係咩camp…
(利申: 呢班老青到今時今日仍然健在人間㗎!)
當年第一次搞懇親晚會～
520131係咩意思？
你試吓用普通話讀「我愛你一生一世」吖！
透過邀請家長嚟懇親會，
比佢地了解多d青少部同埋青少嘅教會生活。
仲鼓勵班青少年籍此機會，
學習將福音傳比未信嘅家人!
哇！！！好浪漫呀~~~
當年初中Soul time團契活動～
分小組比賽用廢紙整全副軍裝，
帶出以弗所書第六章講
屬靈軍裝嘅一課~
# 不能雪的秘密：
相入面其中一個係現任青少部傳助嚟架!
教會多年嚟（廣告tone）
都著重會眾身心靈健康嘅發展...
所以當年康體部會舉辦唔同球類嘅比賽~
包括… 燈燈燈凳~ 恩超聯賽!
簡單啲講，係團契同團契間嘅足球比賽~
我地青少有嘅係咩呀?! 係「健兒」呀!
應該係 (除非唔係)，
當年青少同工邀請房生
去訓練一班青年領袖，
然後...
仲帶住班青少去搞佢第一次喺恩福青少部搞嘅camp!
#牧養#關係#成長 呢一套,
佢最少堅守咗
3年零8個月+10年!
唔係講笑!
堅高質音樂佈道會!
成個佈道會入面啲歌，
差唔多全部都係「源」創音樂嚟㗎!
係班青少自己作詞作曲架!!!
連Rap嘅部份都係!!
當年仲錄埋Sound track出過CD！
又到咗一年一度
【焚燒生命系列】之
佈道會完咗幾日又入camp喇!
啲青少年成日周圍蒲… 青少部就鼓勵佢地一齊入camp蒲好過啦!
(我又係唔會話你知，相中有個當年嘅導師係現任嘅青少部傳道嚟㗎!)
(又Loop) （咳咳）
教會多年嚟
都著重會眾身心靈健康嘅發展，
所以當年康體部會舉辦唔同球類嘅比賽…
呢個就係係團契同團契間嘅乒乓波比賽~
正所謂~
球類種類多又多，冠軍我地有幾個~
(再Loop)
教會多年嚟
都著重會眾身心靈健康嘅發展，
所以當年康體部會舉辦唔同球類嘅比賽…
呢個團契同團契間嘅足球比賽又嚟喇~
點會難到我地吖！
我地青少有嘅係咩呀?!
係「青春」呀!
7字馬! 冇難度!
青少部第一年去連南短宣
嗰次10幾個同工帶埋青少
去照顧70幾個小學生~
教下佢地英文、唱歌、手工等等…
當然有把握時機去家訪同佢地一家人傳福音啦!
仲去體驗佢地嘅生活，食生粟米、生花生、落田收割……
展開一齊與曱甴同眠嘅奇妙之旅~
YSLT有如依家YLT嘅前身~
當日完成第二屆青靈訓練，類似一個畢業禮嘅儀式咁~
組長們要做個宣誓，
立志要過Stand Firm In Christ嘅生活!
場面實在令人感動流涕！
嗚呀~
又到左暑假camp，
【焚燒生命系列】之
借啲耳邀請朋友、同學、叔伯兄弟鄉親父老接觸福音嘅時侯~
你估我亂噏當秘笈呀?
當時真係有個青少帶左佢舅父黎青少camp㗎!
因為... 佢舅父只係大佢一年 lol
應該係(除非唔係)，
青少部第一次嘅敬拜晚會~
個Look同個井
都係青少部自己整㗎!
(我又係唔會話你知,
呢次晚會撮合左一對傳道情侶! 依家仲結埋婚生埋仔添!💖)
.
.
.
.
.
.
.
.
.
不停改革又改革 –
改團契內容、模式、時間，甚至改團契傳道人/傳助(利申: 唔係恩福炒人呀!)，
目的只係為咗更配合青少年，提供更好、更合適、更有歸屬感嘅教會生活比佢地~
當年開始興起一班青少年領袖 (組長)，
透過訓練同事奉 – 包括帶組、搞Camp、搞佈道會等，
畀佢地經歷神，經歷信仰，喺上帝教導中被牧養成長~
再由佢地去牧養班細佬妹，一代傳一代傳一代傳一代 …
咁就傳到依家喇! 依家青少部比當年多好多好多人！
身為青少嘅你，有冇試過鬧快舉手指公嚟決定邊個負責祈禱呢?
呢個青少部獨有傳統習俗，就係由嗰時開創傳到依家㗎喇~
大家都keep到個習俗呀吓XD 比心機!唔好比佢停呀!! (我講緊團火呀~)
