Reaching
Out
Visiting
聽到女童院呢幾隻字，你會諗起咩呢？好多人都肯定會覺得佢哋係好壞嘅女孩子啦！ 佢哋應該好難相處，好爛口又摻手🙈。 講真，比起基督徒嘅我哋，佢哋都真係爛口咗啲嘅⋯⋯不過，有邊個未試過講野粗粗魯魯啊😏！ 佢哋其實同我哋一樣，有鍾意嘅嗜好🎸🎻🏓🏀，有鍾意聽嘅歌🎤🎶，有鍾意嘅人👧🏻👦🏻👩🏻👨🏻👵🏻👴🏻。 有一樣嘢佢同我哋最相同嘅就係缺乏愛 ❤🧡💛。 因為搵唔到家人嘅愛💛，朋友嘅關心🧡，重視嘅人嘅緊張❤，就係呢個世界裏面尋尋覓覓唔同其他嘅愛🖤，但係最後反而整到自己遍體鱗傷💔。 其實佢哋同我哋都一樣，都極之需要被愛。 所以，女童院嘅服侍，係透過我哋感受到上帝真實嘅愛，而不得不將呢份愛分享比佢哋，希望佢哋每一個都可以感受到上帝無條件嘅愛❤🧡💛💚💙💜🖤。
其實我都探咗佢哋大概兩年，最感動嘅唔係自己能夠透過活動帶比佢哋開心，而係佢哋每一個生命故事，讓我反思到有上帝嘅重要，因此，就更加扎心要將基督嘅愛放喺佢哋生命裏面，比佢哋知道有咗上帝嘅生活有幾咁不一樣。
鼓勵你哋有感動去事奉或想認識呢個群體嘅就嘗試吓去參與啦！ 上帝唔係要我哋帶幾多嘢入去，而佢會係探訪過程中感動我哋，開我哋嘅眼去睇多好多。
文／ET．Gsis
Inception
今年係我第一年做聖誕佈導會籌委。
今次佈道會嘅主題係接納，呢個主題好貼地，好貼近我哋生命所面對緊嘅人同事。
無論係未信或者信主嘅人，其實大家都好努力咁嘗試係呢個世界尋找一份接納，可能係一份從其他人而嚟嘅接納，或者係一份接納自己嘅勇氣。但大家嘅生命往往會遇到好多不被接納，而產生左好多唔開心，以致決定最後收埋真正嘅自己。但究竟信咗主嘅人又係咪咁睇自己？
我今次負責嘅係歌曲分享嘅部份，我哋嗰team諗flow同埋揀歌嘅時候，用咗唔同嘅歌去串連成為一個故事，講述一個人由未信到信主嘅經歷。有一部份就好似講述緊我哋自己點樣信主嘅故事，而有一部份就好似講緊俾未信嘅人聽，究竟信主前同信主後會帶來一啲咩改變。我希望新朋友可以透過歌曲分享有新嘅睇法同感受。
諗flow嘅過程，令我重新檢視自己嘅生命。去進入一個未信嘅生命，會思考到好多佢哋面對緊嘅困難，好多唔開心，好多帶着面具去生活嘅畫面。但我發現，原來呢啲畫面未必係未信嘅人所經歷緊，信主嘅人亦都會經歷呢啲嘢。好多時候我哋為咗得到別人嘅認同或者接納，會選擇帶上一副扮開心嘅面具，去掩飾自己嘅軟弱。
透過今次佈道會同埋寫flow，我進入咗好多思考。我重新回想自己嘅生命究竟有冇俾天父去接納。我諗個答案係: 我仲學習緊點樣比天父去接納我咁唔完美嘅過去。
好感恩我哋係年青嘅時候就認識天父！雖然我哋信咗主嘅人都會有迷失嘅時候，亦會有唔記得咗天父嘅時候，但係今次嘅聖誕佈道會令我返返去耶穌入面。耶穌佢一直都等緊我哋，佢嘅愛係超越所有限制同埋永遠唔會改變。我諗就係因為呢份愛，令我哋呢個群體同其他人唔一樣。因為愛，所以我哋識得接納其他人，識得去接納自己。所以盼望大家都可以因着耶穌嘅呢份愛，去擁抱你身邊一啲需要他人接納同關心嘅生命。
因為我哋得着耶穌呢一份擁抱同接納我哋嘅愛，先可以感受一個不一樣嘅生命。💕
文／Zoe・Zion
our community
今年，我跟我的組員一同參與工福探訪，探望住在舊式唐樓的獨居老人。
我一向不擅長與陌生人溝通，尤其是陌生的長者。因此我在過程中亦甚少開口與那位公公談天，只是聆聽著公公對我們說的話，並點頭回應。然而，我在過程中亦有不少得著。
在公公小時候時並沒有免費教育的機制，他不斷吩咐我們要珍惜現在的機會，認真讀書。 這讓我意會到， 我所擁有的機會都並非必然的，令我學懂感恩。
那位公公同樣是一位基督徒，但因行動不便無法每個星期都到教會崇拜。這更讓我體會到能每個星期回到教會亦是一種福氣，不應視之為理所當然。
雖然這次探訪非常短暫，但是神仍然透過這數小時跟我說話，提醒我要時常感恩，紀念神的工作。
文／樂忻 ． C&R
雖然以往我已經參加了兩次的探訪活動，可今年我還是對探訪懷著憂慮甚至是不情願的思緒。我本就不是一個擅長說話的人，也比較慢熟，因此對我來說，要與一個素未謀面的人主動建立關係並非易事。我甚至想，即使我努力傳了十年有多的福音給祖父母，他們還是無動於衷，只有短短的兩小時，我們又能夠做些什麼？
迎接我們的婆婆態度出乎意料地親切，我們也很意外地得知，原來她的丈夫也是基督徒。當我們問起她的信仰時，她笑說：「我主要信基督教，但其他的我都會拜一拜。」我聽到了以後，不知為何一時衝動，竟然對她說：「基督教的神說『不可拜別的神 』。若您什麼也都拜，也許基督教的信念同時也與其他宗教相違呢？信奉一個宗教前要先了解清楚，不然這只是迷信。」
說完以後，我為我的莽撞感到懊惱。所謂己所不欲勿施於人，我也不喜歡別人去批評我的信仰，這舉動實在未免過份了。但婆婆卻絲毫沒有生氣，還繼續跟我們分享她的生活、家庭和她面對的一些健康問題。過程中，她不斷重複著「你們年輕人真有心」這句話。
臨別，我們為她作了一次禱告。禱告以後，她莞爾地說：「在病痛中救我的，應該是耶穌，因為祂是最大的。」當下，我被震撼了。
這是兩個月前發生的事情，過程大概也變得模糊，更不用說以前探訪的談話內容了。可是我覺得要趁現在記下這段經歷，提醒我神會在人的心中工作，更會創出奇蹟。
文／鄒曉華・OM_G