兩年了，我信主兩年了。中一尾信主之後，便踏上了一個無盡的旅途。從來沒有想過在短短兩年以後，我會成為敬拜隊隊員。由信主，到上台分享見證，再到加入敬拜隊，都只是兩年裏發生的事。感謝主，感謝主給我才能和機會讓我去更多認識祢。
若果問我：作為敬拜隊，在崇拜當中跟其他弟兄姊妹的感受有什麼分別？我會回答：會眾是在敬拜、榮耀神，但我們除了敬拜榮耀神以外，都會有另一個目標，就是用麥克風、結他和鼓棍去「服侍」神。何謂「服侍」？「服侍」和「事奉」的意思一樣，但是對象不同。對人的話，可能是指服務、關心身邊的弟兄姊妹；對神的話，可說是指幫神「工作」。當神賜予了我們恩賜和才能，我們就要使用它跟神連結，全心全意的去服侍神。透過服侍，我們不僅可以跟神更加親近，我們還可以發揮神賜予我們的恩賜同潛能，帶領一眾信徒去體驗神的愛，享受敬拜。
在服侍當中，心態非常重要。服侍的過程裏面，我們要有一種為主而活的心志，「我們若活，是為主而活；我們若死，是為主而死。所以，我們或死或活總是主的人。」—— 羅馬書14：8。耶穌為我們釘十架去赦免我們的罪，為世人犧牲，我們總都是主的人。當我們用「我們都是屬於主的人」的心態去服侍上帝，這樣才可以感受到事奉神的美好，否則只會將出隊當做一份「工作」，做完就罷。
相信服侍，不僅是一種態度，還是一種責任。
加入敬拜隊的大家庭，讓我地一起去服侍神、事奉神。日夜在祂的殿中敬拜，永不止息。
文 / Thomas．企鵝組
GATEKEEPERS
gatekeepers呢隊praise team 會用最簡單最舒服嘅方法去帶領弟兄姊妹返翻去神入面。
佢哋嘅敬拜充滿感情色彩，讓我哋即使喺好勞碌嘅生命裡面，依然可以得著平靜安穩。
正因為佢哋追求嘅係簡單舒服嘅敬拜，所以練歌好多時候都唔會特別夾要彈啲咩，相反確認過眼神，就可以做到arrangement，係一隊好成熟同有默契嘅team。
VOCATION
vocation係另一個唔同嘅style。
作為vocationers，佢哋提醒自己敬拜係天生而來嘅職分，自己係敬拜者，更加係基督徒。呢份天職要用係成就別人上面，做好基督徒應有嘅模樣。
vocation帶嘅敬拜往往流露著熱情，呢份熱情層層渲染住敬拜嘅氣氛，讓人更加投入其中。
話說佢哋有個好特別嘅習慣，就係鍾意用個「囧」字去代替任何諗唔到嘅形容詞，緣由好似係來自某位隊員嘅一時「失言」。
好希望大家都可以感受到vocation果份富有溫度又不失囧嘅熱情呀！
SEEKER
seeker，係係嚟自主耶穌既一段說話：「你們祈求就給你們，尋找就尋見，叩門就給你們開門。」
作為seeker嘅一份子，佢哋好希望可以同弟兄姊妹一齊，透過敬拜去搵到主！
除咗搵主之外，seeker最鍾就係搵嘢食！每次聚會，佢哋都係食～食～食～可能同佢地隊長同隊員有關啦～
HARMONY G
Harmony G 用敬拜帶更多嘅弟兄姊妹番去天父嘅面前，希望可以藉住火熱嘅敬拜去感染更多愛主嘅年青人一齊敬拜！
佢哋通常會自稱「哈豬」，最鍾意就係比嗰like你，同埋去隊員嘅屋企。
敬拜嗰時只要聽到有豐富嘅fill in同多元化嘅和音，就會知道今個星期係佢哋出隊呢！
中三敬拜隊
可能因為佢哋都唔係成立咗好耐，大家都未必好認識佢哋。
隊如其名，中二敬拜隊係由一班好有heart嘅中二組成，係落去兒童部服侍嘅團隊，佢哋通常都係去帶初小崇拜，而中三嘅就落去高小帶敬拜。
雖然佢哋人數唔算好多，大概得7-8個人，但係佢哋一啲都唔懶散㗎，由寫flow，揀主題經文，到揀歌，練歌都係一齊做一齊傾。人少少，反而bonding更加緊密，可以互相分享，講吓笑，分享吓學校啲搞笑嘢就又係一次簡單又開心嘅gathering了！
